Rinakit dening : Drs. Ginia
SD Darul Arqom Wiyung Surabaya
Wengi tansaya peteng
nalika aku kudu jumankah sajroning laladan kang ndedet
tanpa lintang tanpa candra
Nanging langkah kudu jumangkah
prasasat tan kendhat
anggonku kulak warta adol prungu
ananging isih mamring
Among keprungu swarane godong garing
aku kadya ron garing
kumleyang kabur kanginan,ing jagat peteng lelimengan
lelana tapa brata tanpa pawarta tanpa swara
ngadhepi dina-dina ing ngarep,tekadku ora mantep
Naliko tekatku wus pepes
Langkahing sikilku tansaya lemes
obor kang makantar-kantar semburat semunar
madhangi jangkah lan jagatku
panjenengan
guruku, kekasihku, obor panguripanku
kancanana sukmaku sinau bab bebrayan
Panguripan, tata laku ing kautaman
Obor kang nyedakake mring kitab suci
Nuntun langkahku jumangkah ngarsaning gusti
Obor kang nuduhake kautaman
Medarake reribet kang tansah daksandang
Sunarmu tansaya ngrembaka
Madangake jagadku, mbukakake langitku
Pastaka-pustaka kawedar, pikirku tansaya mekar
Amarga tanganmu nuntun jangkahku kanti sabar
panjenengan
guruku, kekasihku, obor panguripanku
mugia jasamu kabales mring gusti kang ngatur uripku
tindak tandukmu, tutur ucapmu dak tiru…aja kliru.
Gamelan
Rinakit dening; Drs. Ginia
SD Darul Arqom Wiyung Surabaya
Rancaking gamelan kang muni
anggugah ratri kang saya sepi
ungele gambang
rancake kendang
angiringake bocah pradesan
kang pada tetembangan
ngalahake petenge surya, atise wengi
swara suling kang angalun-alun
swara demung kang terus angungkung
ngademake penggalih kang lagi sedih
ngaturake bebungah, ati kang susah
prasasat petenge wengi, sinaput sunare purnama
prasasat panase geni, siniram ademe tirta
unine gamelan medarake rasa tresna
tanpa gamelan ora ana reog kang agung
ora ana pendet kang adiluhung
tanpa gamelan ora ana wayang gumelar
ora ana remong kang makantar-kantar
kang sumrambah sak eka praya
kang misuwur sak indenging jagad raya
kang nuwuhake rasa milik nagari liya
gamelan kang angiringake budaya bangsa
gamelan agawe misuwure bumi nuswantara
nderekake sang wali nyebarage agama
agama islam ing tlatah tanah jawa
sanajan awujug gamelan
among wesi tanpa jiwa, tanpa raga
nanging jumangkah ngideri dunya
jajah desa milang kori sak indenging jagad raya
Widi
Rinakit dening Drs. Ginia
SDIT Darul Arqom
Yendinulu orao tinemu ing nalar kang sejati
sapa ngira bocah kang cilik , aking, kang ora ndayani
Kondang misuwur sakindengin pelosok nagari
Bocah cilik, nanging ndarbeni kaluwihan kang edi peni
anyundul langit , angideri dirgantara kang suci
Sumunar kadya sang candra ing tengahing ratri
Widiawan Nur Muhammad jamaking bocah lumrah
Pinunjul ing budi, linuwih ing laku, lantip ing akal
Bocah kang ora duwe gumem, orang gampang asesorah
Bocah kang prigel, lantip i, lan luhur ing bab moral
Siswa SDIT Darul Arqom , kang ngutamakake bab aqidah
Dadi Sawijining Finalis Olimpiade Sains Tingkat Nasional
